Telegram yangi yilni 2025-yildagi birinchi yangilanish bilan boshladi.
Bu yangilanish boshqa foydalanuvchilarga oʻtkazish yoki qayta yuborish mumkin boʻlgan kolleksiyalanadigan hadyalar, hodisalar haqidagi xizmat xabarlariga reaksiyalar, xabarlarni qidirish uchun filtrlar, ilova ichidagi QR kod skaneri va boshqa koʻplab yangiliklarni taqdim qildi.
Kolleksiyalanadigan hadyalar
Endi Telegramda olingan hadyalarni kolleksiyalanadigan noyob asarlarga aylantirish imkoniyati mavjud. Ushbu yangilanish quyidagi xususiyatlarni oʻz ichiga oladi:
Ushbu yangilanishda hadyalarni boshqa foydalanuvchilarga oʻtkazish yoki NFT bozorlarida sotish mumkin. Kolleksiyalanadigan hadyalar maxsus fon rangi, belgisi va raqam kabi tasodifiy xususiyatlarga ega. 20 dan ortiq mavjud hadyalar kolleksiyalanadigan qilib yangilanishi mumkin boʻlib, jami 1400 dan ortiq noyob variantlar yaratiladi. Yangi koʻrinishlarni yaratish Telegram “yulduzlari” orqali amalga oshiriladi.
Xizmat xabarlari uchun reaksiyalar
Hodisalarga oid xizmat xabarlariga reaksiyalar qoʻshish imkoniyati joriy etildi. Ushbu yangilik hadya uchun minnatdorchilik bildirish yoki yangi aʼzolarni kutib olish imkoniyatini beradi. Shuningdek, chaqiruvlar, chat fonini yangilash va yutuqli oʻyinlar kabi holatlardagi xizmat xabarlarida qoʻllaniladi.
Xabarlarni qidirish filtrlari
Chatlar roʻyxatidagi qidiruv funksiyasi yangi filtrlarga ega boʻldi. Bu filtrlardan foydalanib, faqat shaxsiy chatlar, guruhlar yoki kanallardan xabarlarni topish va qidiruv natijalarini mediaga koʻra saralash mumkin.
Uchinchi tomonlardan tasdiqlash
Telegram’da tashkilot va muassasalar uchun uchinchi tomon tasdiqlash funksiyasi joriy etildi. Ushbu funksiya firibgarliklarning oldini olish va yolgʻon axborotlarni kamaytirish imkonini beradi. Tasdiqlangan hisoblarda kichik logotip va batafsil izoh koʻrsatiladi.
Jild nomlarida maxsus emoji
Telegram Premium foydalanuvchilari uchun jild nomlariga maxsus emojilar qoʻshish imkoniyati taqdim etildi. Bu jildlarni yanada ifodali qilishga yordam beradi.
QR kod skaneri
Telegram ilovasining kamera funksiyasi endi QR kodlarni aniqlaydi va havolalarni brauzerda ochadi. Kamerani tezda ochish uchun Android ilovasida kamera belgisini bosish yoki iOS ilovasida asosiy ekranda oʻngga surish kifoya.
Avvalroq, SI yordamida stikerlar qidirish, hikoyada kollajlar va hamkorlik dasturlari Telegram’ga qo’shilgani haqda xabar bergan edik
