Kuni kecha «Sofia Ticaret» korxonasi tomonidan Xitoy bozoriga mosh mahsulotining navbatdagi yangi partiyasi muvaffaqiyatli tarzda eksport qilindi. Mazkur eksport shartnomasining umumiy qiymati taxminan 2 million AQSh dollariga baholanmoqda. Ta’kidlash joizki, Xitoy bozori o‘zining yuqori talabchanligi va murakkab standartlari bilan xalqaro savdo maydonida alohida ajralib turadi. Ushbu bozorda muvaffaqiyatli faoliyat yuritish ko‘plab talab va shartlarga moslashishni talab etadi.
Shu sababli, agrar mahsulotlar, xususan, moshni Xitoy bozoriga eksport qilish nafaqat iqtisodiy ahamiyatga ega bo‘lgan muhim qadam, balki e’tiborga loyiq voqea sifatida baholanadi. «Sofia Ticaret» vakillari ham ushbu muvaffaqiyatning milliy iqtisodiyot rivoji yo‘lida katta ahamiyatga ega ekanini alohida ta’kidlamoqdalar.
Eslatib o‘tamiz, qishloq xo‘jaligi mahsulotlarini jahon bozorlariga yetkazib berish O‘zbekiston kabi agrar davlat uchun muhim vazifa hisoblanadi. O‘zbekiston Respublikasi Prezidenti Shavkat Mirziyoyev ham bu masalani bir necha bor alohida ta’kidlab o‘tgan. Jumladan, 2020-yil aprel oyidagi videoselektorda qishloq xo‘jaligi va oziq-ovqat mahsulotlarini ishlab chiqarish hamda ushbu sohani rivojlantirish masalalari keng muhokama qilingan edi. O‘sha davrda davlatimiz rahbari tomonidan qishloq xo‘jaligi mahsulotlari ishlab chiqarish hajmini oshirish maqsadida keng ko‘lamli chora-tadbirlar belgilangan edi. Jumladan, 10 ming gektar maydonda yangi bog‘lar, 9 ming gektar maydonda tokzorlar barpo etish bilan bir qatorda, mosh va loviya kabi dukkakli ekinlarni yetishtirishga alohida e’tibor qaratish bo‘yicha tegishli topshiriqlar berilgan edi.
Yoki avvalroq davlatimiz rahbari tomonidan ilgari surilgan “Dehqon dalaga kirdimi, daromad topishi zarur” degan tamoyil, bugungi kunda ham o‘z dolzarbligini saqlab qolgan holda, qishloq xo‘jaligi sohasidagi siyosatning asosiy mezonlaridan biri sifatida e’tirof etilmoqda. Ushbu yondashuv asosida amalga oshirilayotgan izchil islohotlar va fidokorona mehnatlar O‘zbekistonning xalqaro iqtisodiy maydondagi pozitsiyasini mustahkamlashda hamda qishloq aholisi farovonligini oshirishda alohida ahamiyat kasb etmoqda.
Shu bilan birga, mahsulotlarni ishlab chiqarishdan keyingi bosqich — ularni samarali tarzda bozorga yetkazish va sotish jarayoni ham muhim strategik ahamiyatga ega. Mazkur yo‘nalishda «Sofia Ticaret» kabi korxonalar tomonidan qo‘lga kiritilgan yutuqlar nafaqat iqtisodiyotimizning barqaror rivojlanishiga, balki xalqimiz farovonligi va milliy iftixorini yanada yuksaltirishga xizmat qilmoqda.
Milliy Eksportni Rivojlantirishdagi Qadamlar:
«Sofia Ticaret» korxonasi direktori Farhod Rahmatullayev o‘z nutqida eksportni rivojlantirish bo‘yicha olib borilgan ishlar haqida shunday dedi:
“Ushbu yo‘lda keng qamrovli tayyorgarlik ishlari amalga oshirildi. Belgilangan maqsadlarga erishishda jamoamiz a’zolarining fidoyiligi va qat’iyati alohida e’tirofga loyiq. Shu bilan birga, xalqaro ta’minot sohasida tajribaga ega mutaxassislar va ekspertlarning qo‘llab-quvvatlovi ham muvaffaqiyatimizda muhim o‘rin tutdi. Ularning ilmiy-adabiy manbalari va amaliy tajribalari asosida qabul qilingan strategik qarorlar samarali natijalarga zamin yaratdi.
Xususan, eksport faoliyatiga ixtisoslashgan “Uzsanoatexport” tashkilotining ma’lumotlar bazasida joylashgan, Salixov S. tomonidan tayyorlangan «Xalqaro ta’minot zanjiri bo‘yicha eksport qo‘llanma moduli» global ta’minot jarayonlarini samarali va muvaffaqiyatli tashkil etishda alohida ahamiyatga ega bo‘ldi. Mazkur sohadagi ekspert tomonidan ishlab chiqilgan batafsil qo‘llanma ko‘plab savollarimizga to‘liq javob berib, ayniqsa ta’minot bozoriga endigina kirib kelayotgan tadbirkorlar uchun zarur manba sifatida xizmat qildi. Shu sababli, ta’minot zanjiri yo‘nalishida faoliyat olib borayotgan tadbirkorlarga ushbu qo‘llanmani o‘z o‘quv manbalari qatoriga kiritishni tavsiya etaman.
Shu bilan birga, ushbu jarayonda ishtirok etgan barcha tomonlarni, jumladan, ishlab chiqaruvchilar, yetkazib beruvchilar, hamkorlar va mutaxassislarni zamonamiz qahramonlari sifatida e’tirof etish joizdir. Ularning fidokorona sa’y-harakatlari ushbu muvaffaqiyatning ajralmas tarkibiy qismi bo‘lib xizmat qilganini alohida ta’kidlash lozim.”
Rahmatullayev shuningdek, yosh mutaxassislar va tadbirkorlarga ham murojaat qilib, o‘z tajribasi bilan bo‘lishdi:
“Bugungi kunda bu sohada ish boshlamoqchi bo‘lganlar uchun ko‘plab imkoniyatlar mavjud. Internet orqali zarur ma’lumotlar, materiallar va o‘zbek adabiyotlari ham topiladi. Asosiysi, izlanish, bilim olish va kerakli fermerlar hamda xorijiy hamkorlar bilan muloqotni yo‘lga qo‘yishdir”.
Rahmatullayev kelgusidagi rejalari haqida fikr yuritar ekan, shunday deydi:
“Bizning asosiy maqsadimiz — O‘zbekistonning iqtisodiy rivojlanishiga hissa qo‘shish va yangi marralarni zabt etishdir. Xususan, Yevropa va Amerika kabi rivojlangan davlatlarga milliy mahsulotlarimizni eksport qilishni yo‘lga qo‘yishni rejalashtirmoqdamiz. Bu borada muzokaralar allaqachon boshlangan va umid qilamizki, ularning natijalari ijobiy bo‘ladi”.
Xalqaro Taminotning Mahalliy Iqtisodiyotga Ta’siri:
Bugungi kunda O‘zbekiston uchun valyuta oqimini ta’minlash masalasi eng dolzarb vazifalardan biri bo‘lib, har bir eksport shartnomasi mamlakat iqtisodiy barqarorligini mustahkamlashda katta ahamiyatga ega. Ayniqsa, agrar sektorning ulkan salohiyatini hisobga olgan holda, «Sofia Ticaret» kabi korxonalarning faoliyati yuqori bahoga loyiqdir. Ushbu korxonalar xalqaro bozor talablariga javob beradigan mahsulotlarni yetishtirish va eksport qilish orqali mamlakatimizningiqtisodiy imkoniyatlarini yanada kengaytirmoqda.
Umuman olganda, ushbu jarayonda ishtirok etgan har bir shaxsning fidokorona mehnati nafaqat o‘z korxonasining yoki o‘z faoliyati doirasidagi muvaffaqiyati uchun, balki butun mamlakat iqtisodiyotining barqarorligi va izchil rivojlanishi uchun beqiyos ahamiyat kasb etadi. Ularning sa’y-harakatlari kelajak istiqboliga yo‘naltirilgan mustahkam poydevor yaratishda muhim hissa sifatida xizmat qilmoqda.
Muhammaddiyor Tursunov, maqola muallifi.
